Në bashkëpunim me Komunën e Obiliqit, organizata KOPF zhvilloi një sesion edukimi për shëndetin në komunitet në fshatin Lajthishtë. Ky sesion u fokusua në ofrimin e informacioneve të nevojshme mbi parandalimin dhe menaxhimin e hipertensionit, një gjendje që prek shumë në komunitet.
Hipertensioni, ose tensioni i lartë i gjakut, është një problem shëndetësor i rëndësishëm që mund të çojë në komplikacione të rënda nëse nuk menaxhohet siç duhet. Gjatë trajnimit, pjesëmarrësit mësuan për ndryshimet në stilin e jetesës, si ushqimi dhe ushtrimet, që mund të ndihmojnë në kontrollin e niveleve të tensionit të gjakut. Ata gjithashtu morën udhëzime për monitorimin e rregullt të tensionit të gjakut dhe këshilla mjekësore kur është e nevojshme.
Sesionin e ndoqën rreth 30 banorë që morën pjesë aktivisht në diskutime dhe demonstrime praktike. Duke e fuqizuar anëtarët e komunitetit me njohuri dhe aftësi praktike, kjo iniciativë synon të përmirësojë ndërgjegjësimin për shëndetin në përgjithësi dhe të inkurajojë menaxhimin proaktiv të shëndetit në mes të banorëve të Lajthishtës dhe përtej
